النهاردة صحيت متأخر كالعادة
ولكن كانت مستنيانى مفاجأة سعيدة وكويس إنها عرفت عنوانى
يادوبك بافتح تليفزيونا العزيز ليأتينى ذلك الصوت الآخاذ منه
أنا وقفت مكانى مااتحركتش م المفاجأة
وبعدين قعدت الأرض ممنيا نفسى بدقائق من النشوة والسعادة والسلطنة
إنه صوت هدى عمار وهى تشدو بمقدمة مسلسل هوانم جاردن سيتى
التى صاغها المبدع سيد حجاب والعبقرى المتألق دائما راجح داود
مش عارف بجد ليه أغنية المقدمة بتشدنى ليها وبتعيّشنى فى دنيتها
وبلاقينى عالى فوق مع المزيكا الساحرة
يمكن عشان بقالى كتير ماسمعتهاش
لكن لأ المزيكا جبارة
بلاقى نفسى رايح مع الكلام
ياروايح الزمن الجميل هفهفى
وخدينا للماضى وسحره الخفى
ورفرفى ياقلوبنا فوق اللى فات
وبصّى للى جاى وإنتى بترفرفى
ياروايح الزمن الجميل لا السنين
بتطفى ف قلوبنا حنان الحنين
ولااحنا عارفين إحنا مين ولا فين
ولفين هيحدفنا زمانّا الضنين
لحد ماييجى المقطع التالت الخرافة
ليه كل مرة ننطلق نتكفى
ليه كل مرة ننطلق نتكفى
ياروايح الزمن الجميل هفهفى
وخدينا للماضى وسحره الخفى
وبعد كده روحى ألاقيها سابحة مع المزيكا ف بحر من الخيال والنشوة
ياروايح الزمن الجميل لا السنين
بتطفى ف قلوبنا حنان الحنين
ولا احنا عارفين إحنا مبن ولا فين
ولفين هيحدفنا زمانّا الضنين
ليه كل مرة ننطلق نتكفى
ليه كل مرة ننطلق نتكفى
ياروايح الزمن الجميل هفهفى
وخدينا للماضى وسحره الخفى
ورفرفى ياقلوبنا فوق اللى فات
وبصّى للى جاى وإنتى بترفرفى
وهنا ينتهى الحلم الجميل
لتبدأ الأنشودة الجميلة
أعترف بإن المسلسل ليه ذكريات جميلة معايا من أول مرة سمعته فيها وأنا عندى 6 سنين
ف الوقت ده كان اللى شاددنى الأغنية وخصوصا المزيكا يعنى أنا أقدرأقول بضمير مستريح إن راجح داود عبقرى مزيكا وبيعرف يوصل لكل الناس
وبعد ماتنتهى الحلقة أكون على موعد مع بقية الحلم الجميل
لتأتى البداية الموسيقية ومعها صوت هدى عمار
إمبارح اللى عدى واليوم كمان
غمضة عين ف عمر الزمان
واحنا ضيوف عابرين
مش أصحاب مكان
وبكرة جاى وكلنا ف إنتظار
والدنيا دايرة دايرة
دايرة دايرة ف مدار
ومن نهار لليل
ومن لليل لنهار
ياروايح الزمن الجميل بكرة جاى
جاى ف عيونه ضحكة
ضحكة وف قلبه ناى
جاى للى بالأحلام قلوبهم غناى
تتشابك الأقدار
تتصارع الأفكار
تتشابك الأقدار
نتبادل الأدوار
والنار بتبقى جنة
والجنة نار
والدنيا دايرة دايرة
دايرة دايرة ف مدار
ومن نهار لليل
ومن لليل لنهار
ياروايح الزمن الجميل هفهفى
وخدينا للماضى وسحره الخفى
ورفرفى ياقلوبنا فوق اللى فات
وبصّى للى جاى وإنتى بترفرفى
ياروايح الزمن الجميل هفهفى
وخدينا للماضى وسحره الخفى
يااااااااااه ع الجمال
بجد إحساس عالى قوى
مافيش قدام الواحد غير إنه يفتكر اللحظات اللى فاتت بمزيج من الفرحة ..والدهشة ..والحزن
هاهى الحياة تعطينا لحظات من السعادة كى تخفف وطئة الأيام اللعينة
MA7AMAD
Karen Hollingsworth اللوحة للفنان
21 comments:
جميلة كلمات الاغنية قوي
جمالها بيفكرني بتتر مسلسل ابو العلا البشري ومحمد الحجار وهو بيغني اكتر حتى بتعجبني
وهو بيقول
ماتمنعوش الصادقين عن صدقهم
ولا تحرموش العاشقين من عشقهم
كل اللي عايشين للبشر
من حقهم
يقفوا ويكملوا
يمشوا ويتكعبلوا
ويتوهوا أو يوصلوا
وإذا كنا مش قادرين نكون زيهم
نتأمل الأحوال ، ونوزن الأفعال
يمكن إذا صدقنا نمشي في صفهم .. الدنيا مالها ولا إحنا مالنا
ولا الزمان نسانا إيه جرى لنا
بقينا نحبس في الصدور سؤالنا
ونحسد الصادق على صدقه
ونقف بين العاشق وبين عشقه
نهرب من الصافيين إذا بكيوا
ونحسد الباكيين إذا ضحكوا
ماتمنعوش الصادقين عن صدقهم
ولا تحرموش العاشقين من عشقهم
وإذا كنا مش قادرين نكون زيهم
نتأمل الأحوال ، وندرس الأفعال
يمكن إذا صدقنا نمشي في صفهم
the others
أغنية أبو العلا البشرى من الأغنيات الجميلة قوى
شكرا ليكى على زيارتك لمدونتى
انت هتقولي على الاغنية دي
هو المسلسل مقدمة بس .. من غيرها ولا حد كان هيفتكره
هدى عمار كمان كانت جميلة قوي
نفسي بجد ترجع تاني
سلمى
هو بصراحة المقدمة عالية قوى
بس إجبرى بخاطر المسلسل برضه
وياريت هدى عمار ترجع تانى تنور الساحة
تحياتى ليكى
أنا بعشق الأغنية دي
ليها معايا علاقة خاصة
متفهمش غلط يعني
:)
أنا كتبت عنها في موضوع كده لسه بحضره للنشر
هي عموما أغنية جميلة جدا بعيدا عن ذكرياتي الخاصة معاها
:))
مدونة جميلة وسعيده انك ف السن الصغير ده (الزمني يعني!!) بالثقافة والاصالة دي على فكرة لو كنت اتجوزت صغيرة كان زمان ابني دلوقتي في سنك ، بس اولادي لسه صغار ويا ريت يكبروا ويفرحوني بشخصيتهم واشوفهم زيك..
تحياتي
زيانور
استدراج :
شكرا على موقع ايمان مالكي
كنت محتاجة جمال بهذا القدر
زيانور
مُزمُز
مش عارف أقولك إيه
بس يارب تبقى كل ذكرياتك جميلة
نورت المدونة ياغالى
Zianour
بجد شكرا على كلامك الجميل اللى أنا مش قده
وعلى فكرة فيه كتير زيى كده
وربنا يخليكى لإبنك وتشوفيه حاجة كبيرة
نورتى المدونة
Zianour 2
كويس إنى كنت سبب فى معرفتك بالراجل الجميل ده
والجمال على فكرة دايما حوالينا بس للى عايز يشوفه
تحياتى ليكى
دا انت موسيقى من يومك بقى يا محمد
فعلا الاغنيه حلوه قوى
يا ريت تنورنى
بنت مصرية
شكرا على كلامك الجميل
ومدونتك لذيذة على فكرة
مفيش كلام راجح داود عبقرى الموسيقى التصويرية فى مصر ... فكرتنا بأيام زمان يا محمد
تحياتى :)
Foxology
أخيرا إفتكرتنا ياغالى
وإيه أيام زمان دى؟؟
!!إنت عجّزت ولا إيه ياباشا؟؟
مدونتك تشي بشخصية جميلة جدا
صادقة واعية متذوقة للفن عامرة بالاحساس
خلابة الصفة و الاختيار و المنظر
أرفع القبعة لوجود هذا الجمال بيننا
مها عمر
مدونة تفاصيلنا
Maha Omar
بجد كلامك ده كتير قوى قوى عليا
شكرا ليكى بجد
مقدرش انساك يا صاحبى بس غضب عنى والله انت فاهم الشغل والمطحنة بتاعته :)
Foxology
ربنا معاك ياحبيى
وعقبال ماترجع تدون من تانى
نبض اسكندرية
دة انت فنان بقة واحنا منعرفش
مش بقولك طول ما الانسان عايش بيشوف وبيتعلم كتير قوى
تحياتى
نبض اسكندرية
هاقول تانى
مهما الواحد شاف لسّه فيه حاجات تتشاف
نوّرتى المدونة
Post a Comment