تاجين لازم أرد عليهم
Zianourالتاج الأول من العزيزة
اللى أنا إتأخرت كتييييييييير ف الرد عليه
لكن أنا هارد عليه لكذا سبب
أولا: لإنى مش عايز أزعّل حد
ثانياً: التاج إستفزنى
ثالثاً وهو الأهم: صدرت أوامر عٌليا بالرد على التاج ده
:)
التاج بيقول
1- اذكر 5 احلام على الاقل تخص ماضيك وتحلم فيها بتغير الاشياء .. ماذا ستعدل وماذا ستترك؟؟
..بما إنى شخص حالم إلى حد بعيد
فالأحلام دى زادى
أنا فاكر حلم بيراودنى من زمان ..إنى أسافر لسيوة وأقعد هناك لحد مااتشبّع روحيا ولو عجبتنى القعدة أكمّل هناك
كمان كنت باحلم إنى هاقابل عصفورة جميلة قوى ، وتبقى صاحبتى وتبقى معايا على طول
أنا فاكر الحلم ده كان مسيطر على تفكيرى وأنا بتاع أربع خمس سنين كده
حلم تانى: أنا كنت باحلم أبقى طيار وكنت باقول لنفسى إحتمال أقابل العصفورة الجميلة دى وأنا طاير
حلم كمان: كنت باحلم أمثل فيلم مع الجميلة فاتن حمامة
حلم كمان: كان نفسى يبقى ليا أخ توأم زى ولاد عمى لكن يلا بقى مافيش نصيب
طبعاً أحلامى البريئة خالص دى ماتمناش إنى أسيب حاجة منها
2- اذكر 5 احلام على الاقل تخص مستقبلك..
أول حلم وأهم حلم: إنى ألاقى الطفل اللى تاه منى وأنا صغير
نفسى بجد ألاقيه
حلم كمان: إنى مأعيشّ لغاية ماأكبر وابقى عجوز
أنا أصلا باقول لنفسى ولأصحابى القريبين إنى هاموت وأنا صغير
أنا حاسس بكده
حلم تانى: نفسى أقضى العشر سنين الجايين ف وسط البلد
حلم كمان: فيروز تغنى لى لوحدى .. وده بقى الجنان بعينه
أهى أحلام والسلام :)
الحلم الخامس: أن يكتمل بهاء لوحتى ، وتظل الشمس تزينها كى يتحقق بقاؤها وخلودها
3- اذكر شخصين على الاقل متواجدين في حياتك حاليا كنت تود وجودهم قبل الأن بزمن
أهم شخصين بجد كنت أتمنى أعرفهم قبل كده
مروى بنت خالى
والعزيزة زيانور
4- اذكر شخصين على الاقل غير متواجدين في حياتك حالياً كنت تود وجودهم الآن أو في حياة اولادك مستقبلاً..
بجد بجد ..مافيش غيرهم
العز بن عبد السلام
وابن رشد
نفسى الإتنين دول يبقوا موجودين ف الزمن"الأغبر" اللى إحنا فيه ده
التاج ده أنا بامرره لإتنين أنا عايز أشوف إجابتهم
لميا
جومانا
التاج التانى اللى بدأت فكرته عند مى
التاج جمييييييل وزى ماقالت لميا عليه التاج عبقرى
ويلا بينا نتزحلق فوق قوس قزح:)
أبيض: الطفل اللى تاه منى ونفسى ألاقيه
أيـامى الجاية المليانة حياوات ودنُى جديدة لسة بِكرْ
بمبى: الثلاثى البرىء المرح: "مروى وشروق وآية" وهما بيلعبوا مع بعض
أحمر: وردة بتنوّرعلشان محطوطة ف شعر حبيبتى
وأنا باسمع "أنا لحبيبى" لفيروز
أخضر: أكتر لون باقابله ف قريتنا
لون عينين حبيبتى وعينيا أنا كمان
بنى: المهابة والوقار
أصفر: حالة باعيشها وبتحلى لى
لبنى: بوسة من "تغريد" بنت بنت عمى
وضحكتها اللى ماليها الدفا
بايج: الحياد، ولون النسكافيه المفضل ليا
أزرق: ذلك اللامتناهى الحامل أسراره بداخله : البحر
،أسود: لونى المفضل
الحضن الكبير اللى بيساع الكل ..وساعات بيخفيهم جواه ويموّتهم
هو سيد الألوان
حاجة جانبية: مش قادر أتخيل الدنيا من غير ألوان
!!!!!!!!!!إزاى فيه حد نفسه يعيش بالأبيض والأسود بس
Pino اللوحتان للفنان
21 comments:
:)
ده إنت مجنون من يومك
يخرب عقلك
هي الحياة كده ليه
بقى ليها لون تاني
تحياتي
ازيك يا محمد
التاجين جامدين جدا جدا
خصوصا بتاع الالوان
وانت حسك في الالوان عالي جدا ما شاء الله
الا صحيح
انت بترسم؟
ايه يا محمد ده التاجين تحفة يبنى والله وكلامك منطقى جدا
بس بلاش تموت وانت صغير الحياة اطول من كدة بكتير
تحياتى :)
جميله المدونه
بقالى كتير مدخلتش مدونات جديده عليا
انتا مختلف
يخرب عقلك
ايه الجمال ده يا واد
جمال جواني و جمال في الكتابة
صوفي بصحيح
:D
لو بس تسيبك من صفحة التعليقات المنفصلة دي تبقى كويس اوي
:D
دَخلة تاج الالوان حلوة اوي
ياللا بينا نتزحلق فوق قوس قزح
ياللا يا عم و خدني وراك
:)
قولّي بقى
انت قصدك عصفورة عصفورة، و الا عصفورة عصفورة؟
قصدك يعني الطائر اللي بيروح و ييجي ده و الا مزة؟
:D
اختشي يا واد
طب عاوز تمثل قدام فاتن و قلنا ماشي اهو بيحلم، لكن فيروز تغنيلك لوحدك يا شهريار زمانك! كده مش بتحلم بقى، ده انت بتصيع
:):)
الحمد لله انك مقلتش ابن الفارض
بس ليه العز و ابن رشد بالذات يعني
احب اعرف
ردود البوست التاني عم بتعقّد
:)
بجد حلوة اوي
ايوة كده هو ده الشغل يا رافع راسنا
صباحك ورد و حاجات
و ربنا يديك طولة العمر و يباركلك فيه و يباركلنا فيك
:)
الأخت الغير معروفة
وهو أنا لو مش مجنون كنت حبيتك
البلوج هيولّع من النور
:D
وليد
منوّرنى والله
سلمى
الله يسلمك ياجميل
وبخصوص سؤالك بلاش فضايح ع الملأ
:)
أنما كنت فاشل ف الرسم
وعلشان كده باحبه جدا وباحترم اللى بيعرف يرسم
منوّرانى
أحمد
ربنا يسهل ياغالى
كله بايده مش بايدى أنا
منوّرنى
vetrinary
شكرا على الكلمتين بتوعك والله
وابقى تعالى على طول
محمد
طبعا لازم أرغى وأنا باردّ عليك
:)
صفحة التعليقات زبطتهالك
مش حارمك من حاجة أهو
:)
قلبك جامد؟؟.. مستعد للزحلقة؟؟
إذاً قشطة
GO ON
علشان تعرف بس إن خيالك مش تمام
بيصورلك حاجات غريبة
العصافير عصافير
:)
فعلاً أنا باصيع
بس ياريت يجى بفايدة
تغنى لوحدى بس وشكرا على كده
إختيارى للعز وابن رشد
أنا سبّبته لما قلت إن إحنا ف زمن أغبر
:)
كويس إنى قلت حاجة تعجبك
ده إنجاز
:)
صباحك ياسمين من اللى أنا زارعه قدام بيتنا
:)
وربنا يباركلنا فيك ياغالى
ويباركلك فيا
قول يارب
:)
ياااه يا محمد فيه روح جميلة كده ..!!
اجاباتك كلها براءة وجمال بجد
وانا مندهشة من ورود اسمي في التاج انا حاسة بمسئولية فظيعة بس والله انا اتمنى ان ابني نور يبقى زيك بجد بجد
بس بقى بما انك قررت ده انا بقى بحب الناس اللي اعرفهم يعييييييششششششششششوا كتير يعني يتحملوا مسئولية الرابط لذلك وبما اننا في هذا الموقف اريدك ان تعدني كما اخذت وعدا على الجميع ان موضوع الموت ده ان شاء الله بعد انا ما اودع بكتيييير علشان الجميع يعمل لي الواجب
وإلا هتبقى ندالة بجد بجد
اذا عجبك الشرط اتس اول ريت اذا لأ فذلك شان اخر بقى
ربنا يسعدك ويفرحك وتعيش لتؤثر وياخد اللي كابسين على نفسنا ومخلين الزمن اغبر (:
تحياتي
زيانور
Zianour
والله منوّرة البلوج بكلامك وحضورك المشرق دايما
بالنسبة لاقتراحك فأنا موافق عليه طبعا
لكن ياريت بايدى
:)
وبالنسبة بقى لنور الجميل
فأنا هاقول لحضرتك إقتراح جميل
إنتوا تسافروا وتسيبهولى
علشان أنشأه التنشئة اللى هيا
:)
نوّرتينى والله
العدد كمل
ولع
:]
ده انا بلاغي بكغوتي عندك يا محمد بعد اذنك
علم وسيتم التنفيذ اكيد يا فندم
جبتوه لنفسكوا
:D
اجاباتك لذيذة
محمد عدى على الكيت كات وخد الواجب بتاعك وحله بسرعة معلش شيت كدة على الماشى بجملة الشيتات يا عم :))
تحياتى :)
لميا
البلوج بلوجك إنتى بتتكلمى ف إيه
:)
بمناسبة بكر
أنا مش عارف ليه بقيت خايف عليه
وبالنسبة للتاج
فانا مستنى إجاباتك
أحمد
حاضر ياريس
إنت تؤمر
:)
حلو أوووي وألوانك ليها طعم خاص
لكن ردا على سؤالك الأخير
إزاى فيه حد نفسه يعيش بالأبيض
والأسود؟؟
صدقني كانت الحياة هتكون مكان أحسن يتعاش فيه.. على الأقل مكانش هيبقى فيه لف ودوران كانت يا أبيض يا اسود
مودتي
تسنيم
ميرسى على كلامك
وردا على إجابتك لسؤالى
هى كلها حاجات نسبية
بس بجد أنا مش متخيل الدنيا من غير ألوان
نوّرتينى
بص يا محمد يا ابن صبحي أدام الله ظله وقدس سره
أنا طبعا نوهت عليك مرة بشكل خافت وعابر انك كان لازم تمررلي التاج
بس انت للأسف محستش بمعاناتي
وماظنش ينفع تبقى صاحبي من غير ما تفهمني بالايماء ومن غير اضطرار مني للشرح والتفصيل
وعلى رأي الشاعر اللي قال:
افهمني قط افهمني قط
وكان يقصد
افهمني كأنك بتفهم قط صغير ضعيف
يعني لازم تراعي انك تديني حنان وتحطلي اللبن الصبح وكده يعني قط صغير
هر يعني
أو كما قال
وفي الغالب
كان يتوجب عليك
بما انك شايفني مكسل ادون
انك تمررلي التاج
وخصوصا التاني
لأنه سؤال ورد غطاه
انما الاولاني
عايز روقان
وأنا مش رايق
انا مش صوفي زيك يا عم
:)
لذلك
وبناء على كل ما سبق
انا قررت اسيبلك الكومنت ده هنا
على الملأ
عشان أشهد عليك روح العالم
أو كما قال حبيبك باولو كويلهو
وأقوللك يا محمد الوداع
وأودعك بقول الشاعر:
أحبكم تكرهوني واش جرا مني؟؟
وصباحو قشطة على حشيش على تهييس على عصافير يا عم
مُزمُز
إيه بقى ياواد؟؟
هيبقى هنا وعند جيمس
خلاص يابنى ده أنا هيطلع عليا سمعة زى الزفت كده
:)
عاملى مظاهرة حضرتك ف البلوج
لا ده انت كده زوّدتها قوى
قوى قوى يعنى:)
بص ياض
هتلاقى عربية أمن مركزى واقفة قدام بيتكم دلوقتى
يلا بقى انت اللى جبته لنفسك
:D
بالنسبة بقى لقول الشاعر والعوء اللى إنت طالع بيه
فأنا اشهد الملأ اللى انت بتشهدهم علياورح العالم بتاعة باولو كويلهو
بإن التاج محدوف ليك من مى من الاول
يعنى مالكش حجة يامعلم
:)
وسيبك بقى من صوفى وكوفى وروفى والكلام ده
:)
وختاما أقول
ماكنش العشم يامزمز
ومساؤه قشطة على إستهبال
على تهييس بطعم المانجة
وكمنجة
ههههههه
انا عارفه اني إتأخرت أوي اني اخد التاج
معلثي يا محمد هاخده والله
وهاردهالك بأذن الله " وش متغاظ " :)
جومانا
ولايهمك ياجميل
وشكلك كده ناوية على شرررررررررر
:)
Post a Comment