السنة اللى فاتت كان معاذ كتب عن رمضان وليه هو بيحبه
..............
أنا بحب رمضان علشان حاجات كتيرة ماأعرفش معظمها
بس هو إحساس جميل بيبقى الواحد عايشه
..............
رمضان هو الشهر الوحيد ف السنة اللى بنتجمع فيه أنا وأسرتى على الأكل
..............
ليا ذكريات جميلة معاه وبرضه فيه حاجات زى الزفت
:)))
..............
أدان المغرب، الساعة اللى قبل الادان، التمشية وسط الخضرة
الطرشى "هبة المصريين" ده لوحده حكاية
:)
.............
وبما إنى نباتى
فأنا مابحبش أتعزم عند حد فى رمضان- على أساس إن كرم الضيافة عندنا ف الريف يعنى لحمة وكده-
............
وأخيرا
أنا بحب رمضان علشان الاحساس اللى باحسه وانا باسمع أغنية رمضان جانا للخالد محمد عبدالمطلب
.............
كل سنة وانتوا طيبين
Jean-Léon Gérômeاللوحة للفنان
9 comments:
ايه ده
هو انت نباتي؟؟؟؟
!!!!!!!!!!
معقول؟؟؟
!!!!!!!!!!!
لا بقه
دي لازمن نقف عندها
وعايش ازاي يا بني يا نباتي؟؟؟
لا بجد
ولا حتة لحمة او سمكة قد "الفسفوكة" على رأي نور؟؟؟؟؟؟؟؟
!!!!!!!!
طيب ما هي النباتات برضه عندها احاسيس وبتتألم بجد يعني مش هزار
اقول لك
رمضان كريم
:))))))
هي مصر فيها كام نباتي؟؟
:))))))))
Nabaty bgad :D?
nabaty tamaman ya3ny wala nos w nos :roll:
kwais wallahy :mrg:
kol sana wenta tayeb :)
محمد يا ابني
رمضان كريم
طبعا ده شرف كبير ليا ان لينك يتحط لتدوينة من عندي في مدونتك يا كبير
الساعة اللى قبل الادان،
الساعة اللي قبل الادان دي عذاب
اطول ساعة في اليوم
بس انا ببقى انا نايم اصلا طول النهار مليش دعوة لا بالساعات ولا اللحظات ولا الدقايق
رمضان جانا
اغنية اثيرة طبعا
لما كنت بسمع اغنية هل البدر بدري بتاعت شريفة فاضل كنت باقعد اعيط عياط
اييييييه ايام
رمضان كريم يا نباتي
ولو اني لازم اخدك ونفطر كوارع في الحسين
لازم تعوض كل سنين الحرمان :)))
زيانور
الواد تعب قلبي معاه والله ياختي
قوليله يمكن ربنا يهديه
ده قرب يختفي من النحافة
كده بقى شكلنا عجيب لما نمشي في الشارع
الشئ ونقيضه :p
نباتى ؟؟؟
ياراجل !!!
بس تصدق ممكن فعلا ؟؟
كل سنة وانت طيب :)
طيب أهو رمضان خلص
وكل سنة وإنت طيب بمناسبة العيد
العيد بقى أغنيته الرسمية هى ياليلة العيد لأم كلثوم
Zianourالعزيزة
منّة..الملاك
حبيب قلبى معاذ
أحمد الجميل
مىّ الجميلة
...........
كل سنة وانتوا دايما طيبين والحال فل الفل
نورتم البلوج والله ف رمضان
:)
محمد
ازيك
اولا بحييك على اوتريى
بجد بلوج ثرى
عندى بقى مشكلة
فى THE ROUGH GUIDE TO SUFI MUSIC
محتاجة الباس وورد عشان افك الضغط
ممكن
مى
ميرسى ياجميل
PASS:welove-music
Post a Comment