يااااااااااااااااااااه
قد إيه فات من آخر مرّة صحيت الصبح على صوت عصافير، مع كلاكسات الخارجين في رحلة البحث الأبدية،
وضحكة طازة أليفة لبنت ف ثانوي لسّة الجاي بتاعها أخضر وإحتمالات مثالية، والتأكيد الأمومي على اختك الصغيرة بأكل السندويتشات كلها في المدرسة
أصوات متداخلة على الطريق القريب مُحمّلَة بطعم الصبح بتوصلّك باحساس مضاف بيغذّيه وجودك ع السرير في منطقة مابعد الإستيقاظ وبتديك إحتمال- ولو هشّ- بوجود حقيقي قريب منك تقدر من خلاله إحتمال إحتمال "النهاردة يوم كئيب"
4-1-2010
3 comments:
ازاي يوم كئيب؟؟
يمكن لغياب الاضافة الشخصية لليوم ده واحساس انك لا غير معني او ان الوجود غير معني بيك
:))
بس المعطيات دي كلها تخليني ابتسم واتفائل وادرك ان الحياة ماشية رغم كل شىء وهو شىء يطمئنني جدا ويعيد لي التوازن ولو فليلا
:)
عموما منور البيت
:))
أنا نفسي أكتب
أنا فاكر إني كنت مقبل على الحياة في اليوم ده بمتعة مؤلمة نوعاً ما
:)
Post a Comment