عارفة ليه كل ماأنطق إسمك بانوّر قوى وألقى الضىّ يتولد حواليا؟
عارفة ليه بتخرجى لى من كل صفحة مكتوب فيها كل كلمة حب؟
وأما نقعد ف الصيف على شط إسكندرية وف نفس اللحظة نغنى "الدنيا ريشة ف هوا"؟
والسنين اللى بتجرح براءتنا بتتنسى ويتولد فجر الحب لما أشوفك؟
فاكرة لما القمر إكتملّ ونوّر قوى وقلتى إنه هينفجر.. لما بوستينى؟
إيديكى اللى بتخطفنى من دنيا "الحاجات الكتير اللى حواليا" وبتودينى لدنيا جميلة أول مرة أشوفها
صفحة قلبى اللى بتزوّقيها بأغانيكى
وعينيكى..شباكين مفتوحين ع الاحلام
بترسم لى بيوت ساكنها الدفا
!طب ليه ف عز الشتا لما إيدك تلمسنى أفتكر ريحة البحر؟
.................
بحبك
JOSEPH LORUSSO اللوحة للفنان
30 comments:
الحب
نقطة برد في عز الحر
تفوت عالقلب تقوله عواااااااف
تحياتي
مساء الرومانسية
اية يا ابني الجمال ده وجوزيف لورسو تاني
:)
عجبني اخر بق بتاع في عز الشتا بفتكر ريحة البحر . على فكرة بقى مش غريبة احلى ريحة للبحر في عز الشتا
;)
ربنا يسعد قلبك يارب
يارب يسعد قلوبكم كلكم
أنا أصلى تعبت من كتر حزن الناس
يارب تفرحوا بحبكم يارب
وليد
هههههههه
!!!عواف ياراجل؟
منوّرنى
لميا
شوية رومانسية من نفسنا بقى يالميا
:)
"على فكرة بقى مش غريبة احلى ريحة للبحر في عز الشتا"
إذا بصرة
:)
أسماء
ميرسى على دعواتك لينا
والحزن مش وحش ولا حاجة
هو بس ساعات بيبقى زى الملح الزيادة
:)
عمنا جبران بيقول
إنما حزنكم فرحكم وقد بات سافراُ
نوّرتينى
انت ليه يابني مش شايف في الدنيا ما يعكر الصفو؟
يابني تعبتني
غلبت اقولك بص للنص الفاضي م الكوباية
:D
محمد
ياحبى ..مش فكرة مش شايف
لكن أنا مابحبش الكآبة والتشاؤم
مالوش لازمة
:D
مساؤه يا محمد انا جاية ارد على بكر في حوار النص الفاضي من الكوباية
واقولك سيبك من نصيحته تماما
الكوباية اصلا اتدلقت
لميا
مساؤه بيزقزق
دى الكوباية اندلقت وانسرقت
:)
بقولكوا ايه بقى إنتوا الاتنين
المدونة دى للمتفائلين بس
:D
على فكرة انا ابعد ما يكون عن التشاؤم
بص حط مصيدة زي بتاعت بكر بس للمتشائمين
لميا
طب بصى كى يطمئن قلبى
إن مافيش ولادخيل من المتشائمين على مدونتى
عايزين نكوّن حزب للمتفائلين
ولو عايزة تبقى رئيسته معنديش مانع
:)
احم احم ايه يا عم محمد دارى على شمعتك تقيد يا صاحبى
ربنا ينولك اللى ف بالك
بكرة رايح الساقية ؟؟
محمد يا ابني
فاكرة لما القمر إكتملّ ونوّر قوى وقلتى إنه هينفجر.. لما بوستينى؟
جميل جدا
ده اكتر سطر عجبني بجد
وككل نصك رقيق وفيه حالة من الصفاء النفسي والفني جميلة جدا
:))
يا محمد يا ندل
يعني ايه مصيدة للمتشائمين؟؟
مش عايزني اخش بلوجك تاني وللا ايه؟
لا حدد موقفك بسرعة ارجوك
:)
وكمان حزب ومش عارف ايه
لا
ده انت ناوي على شرررررر :)
وبعدين بص بقى خللينا منطقيين
النص الفاضي من الكباية دايما في موازاة مجال إبصارك وهو المواجه المباشر لوعيك
انما النص المليان ده دايما في الأسفل مستخبي
طبعا مش معقولة هتبقى المية فوق والفراغ تحت
وبناء عليه لازم نبقى حولين مع اللي حلو معانا ووحشين مع اللي اهملنا
النص الفاضي واقف فوق في شموخ ووضوح بيقول انا اهو يا بشررررررررر
أما النص المليان
مستخبي
وندل
ومش مهتم انه يظهر لحد
نايم تحت الفراغ وراقد ملامس القاع بعيدا عن مجال الإبصار
والسلام عليك ورحمة الله وبركاته
وأقم الصلاة
:))
أنا طبعا ملخص اهو ومش راضي اكتب تعليق طويييييل ولا ارغي ولا اي حاجة :)
عشان خاطر عمو عبده النفري بيقول وانت طبعا صوفي وعارف
كل اما تبقى الرؤية واااااااااااسعة
العبارة تبق ضيقة عليها ومتجيش على مقاسها
:)))
يا محمد يا ندل
يعني ايه مصيدة للمتشائمين؟؟
مش عايزني اخش بلوجك تاني وللا ايه؟
لا حدد موقفك بسرعة ارجوك
:)
وكمان حزب ومش عارف ايه
لا
ده انت ناوي على شرررررر :)
وبعدين بص بقى خللينا منطقيين
النص الفاضي من الكباية دايما في موازاة مجال إبصارك وهو المواجه المباشر لوعيك
انما النص المليان ده دايما في الأسفل مستخبي
طبعا مش معقولة هتبقى المية فوق والفراغ تحت
وبناء عليه لازم نبقى حولين مع اللي حلو معانا ووحشين مع اللي اهملنا
النص الفاضي واقف فوق في شموخ ووضوح بيقول انا اهو يا بشررررررررر
أما النص المليان
مستخبي
وندل
ومش مهتم انه يظهر لحد
نايم تحت الفراغ وراقد ملامس القاع بعيدا عن مجال الإبصار
والسلام عليك ورحمة الله وبركاته
وأقم الصلاة
:))
أنا طبعا ملخص اهو ومش راضي اكتب تعليق طويييييل ولا ارغي ولا اي حاجة :)
عشان خاطر عمو عبده النفري بيقول وانت طبعا صوفي وعارف
كل اما تبقى الرؤية واااااااااااسعة
العبارة تبق ضيقة عليها ومتجيش على مقاسها
:)))
...................
أنا قلت اعمل كوبي بيست للتعليق كمان مرة عشان يظهر صورة البروفايل الجديدة
هع هع هع هع هع هع
....................
تقبل مروري
تحياتي
هممممممممممم
اممممممممممممم
سيبنا بأه فى جو الرومانسيه اللى انت عايشتهولنا ده
هاجيلك تانى بعد ماطلع من المود ده
Foxology
ياحبيبى الشمعة بتاعتنا مابتنطفيش خالص
:)
بالنسبة للساقية وبلاك تيما
فللأسف الاسيف مش رايح
لإنى الحاج- اللى هو أبويا - جاى من السعودية بكرة
عيش إنت بدالى وحلّ محلّى
:)
مزمز1
صباحه صفاء نفساوى وفنى
:)
عقبالك ياواد
مزمز2
صباحه إيجون شيلى ياباشا
:)
بص بقى يابتاع بودلير وشوبنهاور
لقد وصل إلى سمعنا أخبار عن تذمرك من إقتراحنا الجليل بعمل مصيدة على بوابة البلوج وكمان حزب للمتفائلين
وأنا من موقعى هذا بقولك
اللى عاجبه عاجبه
:)
أما بالنسبة لموضوع الكوباية والإنصاص والإربع
فلم يفلح تحليلك الفلسفى العميق فى إقناعى بشىء مما تريده
وكما يقول حبيبك شوبنهاور
العالم هو تصورى للعالم
فسواء الكوباية فاضية ولا مليانة
مش فارقة
بس حلو الإقتباس واللعب بتاع النفرى ده ياواد
وتقبلت مرورك ياأخى الفاضل
:d
وأقم الصلاة ياعم
حد حايشك
:d
ذربونة هانم
براحتك خالص
:)
ولا يهمك كنت عاوز اشوفك بس وحمد الله ع سلامة الحاج :)
أحمد
الله يسلمك
وباذن الله نشوف بعض قريب ف حفلة منير
عارف يا محمد
أنت حد جميل اوي ..
اوي
وأنا فخورة بيه أوي
وسعيدة انه انت اخويا .. بجد
يا صديقي .. :)
جومانا
إيه يابنتى
!!إحنا فيه بينا الكلام ده؟
وبما إننا إخوات وأصدقاء وكده
أنا أحب الناس اللى أعرفهم يبقوا جامدين قوى
:)
woow bgad
alwa7ed b2alo kteeeeeeeeeeer aweeeeeeeee
ma2raash haag sa3eeda :D
al gaw almo5aiem now alnakad lol
w law msh nakad yb2a la mobalah lol
laken 7ob de ba2aly kteer mashofthaash :D
7elw awe bgad
ha2rah tany :cute:
منى
أنا ماعرفش أعيش من غير حب
:)
وبالمناسبة أنا حاليا ف حالة لامبالاة دراسية
فشل وكده بعيد عنك
:)
لكن انا مابسيبش نفسى لأى موود وحش مش جاى على مزاجى
:)
سعيد بأول زيارة وبالتعليق
نوّرتينى
مشكووووووووورر اخوي محمد على اللوحة الرائعة
جهدك واضح وملموس
تقبل مروري دائما
تحياتي العطرة
توقيع:
القلب الكسير
الهايكو هو الحل يا معلم
ايسا بيسلم عليك وبيقوللك
انا عندي حاجة مناسبة
سلام يا مز
مزمز
صباح العوء
:)
ياابو القلب الكسير
:D
وبالنسبة للهايكى
احب اقولك انت واد دماغ
:)
صباحه هايكى على يابانى على ماثيو باشو
قشطة عليه يامعلم
eh el no3ooma de ya m7mad..
teslm edeek w 2lbk
سمر
نعومة وإيدى وقلبى
طب أقول إيه أنا بقى
:)
منوّرانى يادكتورة
Post a Comment