قلبى مدينة وتاه مفتاحه..كترت همومه وقلّت أفراحه
............
ياطير مال جنيحك مايل..خدوا ضنايا،وأنا عليه حايم
...........
غزالك مليح،فين صايدها؟..صدتها من بين حبايبها
.............
ياقايلة قولى على الخايل..عود القنا،لاأعوج ولا مايل
.............
ولا يعجبك قبرى وتزويقه..من فوق واسع وتحت،ياضيقه
ولا يعجبك قبرى ولا رخامه..من فوق واسع وتحت ياضلامه
............
ياسيدى لما مال ورّانى..حدف العميمة مالفّها تانى
ياسيدى لما مال مااتكلّم..حدف العميمة ماعاد يتعمم
ورّانى:للخلف
...........
عيّان ياأمةوتعالى حداى..حلّى طرف الشال وهوّى معاى
.............
فى قعدتى وإيدى على راسى..عتبى على ربى كبير باسى
فى قعدتى وإيدى على خدى..عتبى على ربى كسر نفسى
..............
وده قبر مين اللي البقر هدّه ؟ .. قبر الغريب اللي هجر أرضه
وده قبر مين اللي البقر داسه؟ .. قبر الغريب اللي هجر ناسه
من العديد المصرى
من كتاب المراثى الشعبية(العديد)..عبد الحليم حفني
6 comments:
عجيبة وغريبة يا محمد وحاسس ان فيها عك مش عارف ليه !
تحياتى
بوست تحفة
جديد
وبجد اول مرة اقابل حد مهتم بالعديد كتراث
محمد..
جميل
وحزين
......
ايه الاخبار؟؟
أحمد
أنا عارف إنها عجيبة وغريبة
لكن عك!!!!!!!!
لو قصدك على العدودة ده
"فى قعدتى وإيدى على راسى..عتبى على ربى كبير باسى
فى قعدتى وإيدى على خدى..عتبى على ربى كسر نفسى"
هى جريئة ولكن ده ليه عذره برضه وهو الغضب لفقد الابناء-العدودة دى بتقولها الام اللى مات كل ابناءها-
لكن عدودة زى دى
"ودا قبر مين اللي البقر هدّه ؟ .. قبر الغريب اللي هجر أرضه
وده قبر مين اللي البقر داسه؟ .. قبر الغريب اللي هجر ناسه"
دى مايقولهاش إلا شاعر عبقرى
أنا كنت دايما اكتب العدودة دى-فى كشاكيلى وكتبى- تحت عنوان"غربة تانية"
منوّر ياريس
مى
ولسة ياما هتشوفى
:))))
العزيزةZianour
أنا عارف إن البوست جاى على مزاجك
:)
على فكرة
ليكى نسخة م الكتاب ده
.............
رجعت الدراسة
ورحت المعرض
وفرحااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان جدا
طيب الحمد لله
هو انت نسيت نون فرحان عمدا ولا هي صدفة؟؟
عموما اتمنى لك ان تكون دائما فرحااااان جدا - من غير ما تنسى النون
(((:
جميلة
ومعبرة
يمكن حزينة حبتين
بس
الضنا غالي اوي
تحياتي
Post a Comment