هناك..
لما السما والبحر بيتقابلوا
هاروح
أنا وحبيبتى
ونحضن بعض
قوى
علشان يروح
الخوف
المجنووووون
لما نلاقى السما والبحر
بيتقابلوا تانى
هنطلع فوق سحابة
وأبوسها
فتقوم السما
تمطّر
وننزل ع الأرض
مبلولييييييين
وأقولها:تفاصيلك
خلّتنى أحبك.
فتملى النجوم السقف
والقمر يتوّهج
والطير يصقّف
بجناحاته
والغربان
تروووووووووووح
هنبنى بيتنا
والموج
مش هيقدر عليه
لإن بنيانه حبّ
الجنينة واسعة
زى جناين العشاق
اللى بيعملوا كل حاجة
دايماً
بسرعة
علشان العيون
المتطفّلة
اللى بتقتل
نشوتهم
فيقوموا يروحوا
هناك..
لما السما والبحر
بيتقابلوا
4-1-09
3 comments:
لما السما والبحر بيتقابلو نهاية الكون بتكون زى الحاجات المستحيلة .. لكن طالما اتقابلت مع حبيبتى لما السما والبحر اتقابلو يبقى ده تجسيد لمعنى الخلود .. صح ؟
تحياتى
فتملى النجوم السقف
والقمر يتوّهج
والطير يصقّف
بجناحاته
والغربان
تروووووووووووح
اوى اهم حاجه تكتب نفسك عشان اللى بيحبو يقرو بجد
ابدعت مع اعتبار الصدق فى التجربه
أحمد
"لما السما والبحر بيتقابلو نهاية الكون بتكون زى الحاجات المستحيلة .. لكن طالما اتقابلت مع حبيبتى لما السما والبحر اتقابلو يبقى ده تجسيد لمعنى الخلود .. صح ؟"
هكذا رآها فوكسولوجى
:)
محمد
أنا مابعرفش اكتب عن حاجة مااعرفهاش
:)
منوّرنى ياريس
Post a Comment