حصاد تللك المسافة

نتيجة للفشل الدراسى الكبير،كانت 2008 عاماًحافلا بالقراءات
لدرجة إنى كنت ف التيرم التالت-اللى سحبته ف الأخر-باقرأ كل يوم بلا إنقطاع

وإليكم الحصاد



روايات
......

المرايا-الشحاذ-ميرامار..نجيب محفوظ
جوع-أسوار-صخب البحيرة..محمد البساطى
وردية ليل-عصافير النيل..إبراهيم أصلان
الطوق والأسورة..يحيى الطاهر عبدالله
إليزابيث كُستّلو-الرجل البطىء-..ج.م.كوتسى،ترجمة:عبدالمقصود عبدالكريم
حياة وزمن مايكل..ج.م.كوتسى،ترجمة:محمد يونس
قالت ضحى-واحة الغروب..بهاء طاهر
العنف والسخرية-منزل الموت الأكيد..ألبير قصيرى،ترجمة:محمود قاسم
بابل مفتاح العالم..نائل الطوخى
وقوف متكرر..محمد صلاح العزب
نهاية العالم هذا المساء..كاترين دوريشو،ترجمة:شيرين محمود الخطيب
الطوف الحجرى..جوزيه ساراماجو،ترجمة:طلعت شاهين
كل الاسماء ..جوزيه ساراماغو ،ترجمة:صالح علماني
شيطنات الطفلة الصغيرة..ماريو بارجاس يوسا،ترجمة:صالح علمانى
كلما رأيت بنتاً حلوة أقول ياسعاد-ملاك الفرصة الأخيرة..سعيد نوح
لحس العتب-الخرّاز..خيرى شلبى
ملكة الصمت..مارى نيمييه،ترجمة:رانيا عادل
مليم الأكبر..عادل كامل
موسم الهجرة إلى الشمال .. الطيب صالح
الهرم..ويليام جولدنج،ترجمة:محمد محمودالأهوانى
أيام زائدة..حسن داود
دم إبن يعقوب..شوقى عبدالحكيم
بحر ميّت..جورجى أمادو،ترجمة:الشحات صادق
الساعات..مايكل كانينجهام،ترجمة: أحمد الشامي
محبوبة..تونى موريسون،ترجمة:أمين العيوطى
خافية قمر..محمد ناجى
العمة أخت الرجال..أحمد أبو خنيجر
الغريب ..ألبير كامى،ترجمة:محمد غطاس
الرجل الأول..ألبير كامى،ترجمة:كيتى سالم
المسخ(التحوّل)..فرانز كافكا،ترجمة:الدسوقى فهمى
السحرة..إبراهيم الكونى
يوميات نائب فى الأرياف – توفيق الحكيم
الموت فى فينيسيا..توماس مان،ترجمة:بدر توفيق





فردوس-أصوات الليل-بيوت وراء الأشجار..محمد البساطى
اللص والكلاب-السمان والخريف..نجيب محفوظ
قصة حب مجوسية-شرق المتوسط ..عبدالرحمن منيف
الفاعل..حمدى أبو جليل
هدوء القتلة..طارق إمام
فرعان من الصبار-نعناع الجناين..خيرى شلبى
البيضاء..يوسف إدريس
مسيو إبراهيم وزهور القرآن..إريك إيمانويل شميت،ترجمة:محمد سلماوى
أمريكا..فرانز كافكا،ترجمة:الدسوقى فهمى
دائما ماأدعو الموتى..سعيد نوح
قبلة النهايات السعيدة..نصر عبدالرحمن
لحن الصباح-الأفندى..محمد ناجى
عيون البنفسج-أطفال بلادموع-قمر فوق المستنقع..علاء الديب
طونيو كروجر..توماس مان،ترجمة:يحيى حقى
بابا سارتر..على بدر
عشاق خائبون..إيهاب عبدالحميد
ذاكرة التيه..عزة رشاد
إنكسار الروح..محمد المنسى قنديل
خرائط للموج..سهام بيومى
فاصل للدهشة..محمد الفخرانى
كتاب التوهمات-العاشق والمعشوق..خيرى عبدالجواد
التلصص..صنع الله إبراهيم.....الرواية الوحيدة اللى حبيتهاله
عَمرة الدار..هويدا صالح
سفر البنيان..جمال الغيطانى
درس الأميبا..هدى حسين
إبتسامات القديسين..إبراهيم فرغلى
رجال فى الشمس ..غسان كنفانى
أحزان نوح..شوقى عبدالحكيم
كيرياليسون-عمود رخامى فى منتصف الحلبة..هانى عبدالمريد
سراج..رضوى عاشور
طعم الحريق..محمود الوردانى
تغريدة البعجة .. مكاوى سعيد
قميص وردى فارغ..نورا أمين
فالس الوداع..ميلان كونديراترجمة:محمد عيد إبراهيم
حديث الجنود..سعد القرش
هراء متاهة قوطية..مصطفى ذكرى


........................


قصص
........

الرقصة المباحة-ثلاث شجرات كبيرة تثمر برتقالاً -حكايات للأمير حتى ينام ..يحيى الطاهر عبدالله
بحيرة المساء-حكايات من فضل الله عثمان- -يوسف والرداء..إبراهيم أصلان
ساعة مغرب- مختارات من القصص القصيرة..محمد البساطى
ذهبت إلى شلال..بهاء طاهر
ليلة الكروان وقصص اخرى..جابريل جارسيا ماركيث،ترجمة:شوقى فهيم
آدم وحواء-قصص من أمريكا اللاتينية..ترجمة :خليل كلفت
وفى جيبه المطر-قصص بالأسبانية..ترجمة:محمد أبو العطا
رقص الطبول-قصص من أمريكا اللاتينية..ترجمة:محمد إبراهيم مبروك
الذى فوق-دوقة البلاد..منال السيد
نهاية اللعبة..خوليو كورتاثر،ترجمة:مها عبدالرؤوف
السيدة ميلانى والسيدة مارتا والسيدة جرترود..بريجيتة كروناور،ترجمة:مصطفى ماهر
ديوان الملحقات-الأشواق والأسى:عبدالحكيم قاسم
دماء وطين – يحيى حقى
دنيا الله..نجيبي محفوظ
بيت من لحم-لغة الأي أي ..يوسف إدريس
الآتى..محمد المخزنجى
شخص غير مقصود ..منتصر القفاش
حين تقطّعت الأوصال..أمبارو دابيلا،ترجمة:محمد إبراهيم مبروك
ياقلب مين يشتريك..سعيد الكفراوى
حرز ملوّن(قصص قصيرة لكاتبات إيطاليات شابات)..،ترجمة:احمد المغربى&حسين محمود&فوزى عيسى
وجهى الحزين (قصص مترجمة)..ترجمة:بدر توفيق






العشاق الخمسة..يوسف الشارونى
قصص من أمريكا اللاتينية..ترجمة:ماهر البطوطى
ليلة أنجيلا..إبراهيم عبدالمجيد
مساحة للموت..أحمدأبو خنيجر
عكس الريح..يوسف أبو ريّة
علاقات..عزت الحصرى
أحلى البنات تقريباً..منال السيد
من وقائع غرق السفينة..إدريس على
ريم البرارى المستحيلة..ميرال الطحاوى
أحمدرجل عادى جدا..عزة سلطان
خروج..سلمى صلاح




..................


شعر
......

صيد الفراشات-الوطن الجمر-مثل غربان سود-لاشىء يدل..محمد صالح
جغرافيا بديلة-ممر معتم يصلُحُ لتعلم الرقص..إيمان مرسال
تركيب آخر لحياة وديع سعادة-مقعد راكب غادر الباص-بسبب غيمة على الأرجح..وديع سعادة
الإبحار فى الذاكرة-شجر الليل-أحلام الفارس القديم..صلاح عبدالصبور
قصائد إنسانية..قيصر باييخو،ترجمة:صالح علمانى
مختارات من الشعر الإيرانى الحديث..ترجمة:موسى بيدج
المنمنمات-من دفتر الصمت..محمد عفيفى مطر
عجوز تؤلمه الضحكات-جمال كافر..عماد أبو صالح
كراكيب الكلام-مصباح كفيف..سوزان عليوان
حالة مشى-يبدو أننى جئت متأخراً..إبراهيم داود
أثر الفراشة..محمود درويش
حمامات الإنشاد..محمود قرنى
عشر نجمات لمساء وحيد-فى مديح شجرة الصبار..على منصور
لامبرّرات الوجود..جورج حنين ترجمة:أنور كامل&بشير السباعى
آثار جانبية للسعادة..البهاء حسين
كيف يقضى ولد وحيد الويك إند؟..إبراهيم السيد
هواء قديم-بالأصابع التى كالمشط..محمد سليمان
بارانويا..محمد خير
عين سارحة وعين مندهشة..أسامة الدناصورى
تصبحين على خير ..علاء خالد
عادات سيئة..جُمانة حداد
أنسب الأوقات للخطيئة..تامر عفيفى
تغريبة عمر نجم..عمر نجم
أوراق الغرفة (8)..أمل دنقل
غناوى العشق..مختار عبدالفتاح
نون النسوة الألمانية(مختارات ل27شاعرة ألمانية)..ترجمة:عبدالوهاب الشيخ
أجنحة الماء(مختارات من الشعر الأمريكى)..ترجمة :بدر توفيق
ضد رغبتى ..أحمد المريخى
ألعاب البحر-فى صباح جميل كهذا-سماء على طاولة..فريد أبو سعدة
أسبانيا فى القلب وقصائد أخرى..بابلو نيرودا،ترجمة:ماهر البطوطى
سأم باريس..شارل بودلير،ترجمة:بشير السباعى
افتح ابواب الليل..جويس منصور،ترجمة:بشير السباعى
مفرد بصيغة الجمع..أدونيس
سونيتات شكسبيرالكاملة..ترجمة: عصمت والى
بارانويا..محمد خير
إخلص لبحرك-قبل مايردموا البحيرة..مسعود شومان
مديح الغابة..محمد أبو زيد
حرير..عماد فؤاد
لماذا أيها الماضى..عبدالمنعم رمضان
قهوة وشيكولاتة..عمر طاهر


وقصائدل:إيميلى ديكنسون-لانجستوت هيوز-أودن-يانيس ريتسوس-أوكتافيو باز-كفافى-آن سيكستون-والت ويتمان-مايكوفسكى-إزرا باوند-محمد الماغوط-سيف الرحبى-إبراهيم نصرالله- عناية جابر-ابن الفارض-السهروردى


...................


مسرح
.........

هاملت..ويليام شكسبير،ترجمة:جبرا إبراهيم جبرا
يرما..لوركا،ترجمة :صلاح عبدالصبور
فاوست..جيتة،ترجمة:عبدالرحمن بدوى
أرض الله..محمد عبدالحافظ ناصف
الجميلات والكيميا..هدى شعراوى



..................



كتب
.......

حياتى فى الشعر ..صلاح عبدالصبور
مكان تغمره الخصوصية(حوارات)..ترجمة:محمد هاشم عبدالسلام
طريق الصحراء..سعيد مصباح
الموسيقى والحضارة-الجزء الأول..هوجو لايختنتريت،ترجمة:أحمد حمدى محمود
غواية الأسكندرية..إبراهيم عبدالمجيد
أصداء السيرة الذاتية..نجيب محفوظ
كناسة الدكان..يحيى حقى
اوائل زيارات الدهشة..محمد عفيفى مطر
فن الهوى..أوفيد،ترجمة:ثروت عكاشة
حول الدين والعلمانية..ميكائيل لووي & اوليفييه روا & موريس باربييه ،ترجمة:بشير السباعى
السحر والعلم والدين..بروتسلاف مالينوفسكى،ترجمة:محمد الجورا
رأيت رام الله..مريد اليرغوثى
خلوة الغلبان..إبراهيم أصلان
السينما تتأمل صور الوجود..إبراهيم نصر الله
الذكريات الصغيرة..جوزيه ساراماجو،ترجمة:أحمد عبداللطيف
المواقف والمخاطبات..النفرى
الإسلام دين الإنسانية..آن مارى شيمل ،ترجمة: صلاح محجوب
مختارات من الميتافيزيقا..خ.ل.بورخيس،ترجمة:خليل كلفت
عبقرية المسيح..عباس محمود العقاد
مهندس العالم..عماد أبو صالح
نار وريبة(مختارات)..بريجيته كروناور،ترجمة:علا عادل
المراثى الشعبية (العديد)..عبد الحليم حنفي
خارج الكتابة..إبراهيم داود
تأملات فى العقل المصرى..طارق حجى
السوريالية فى عيون المرايا..ترجمة:أمين صالح
السيريالية فى مصر..سمير غريب






هامش1:دى أفضل الكتب اللى قريتها السنة دى -لأول مرة-لإن فيه حاجات الواحد بيعيد قرايتها
وكمان دول تقريبا اكتر من 99%م اللى قريته السنة دى
يعنى الحمد لله الإختيارات كانت موفقة كثيراً

هامش2:الجزء الأول فى الروايات والقصص الحاجات المدهشة والبديعة والجزء التانى الحاجات الجيدة والفوق جيدة

هامش3:الترتيب لايعنى شيئأً


........................

والسؤال اللى هابعته لعدد من الأصدقاء(على هيئة تاج)إيه هى أفضل الحاجات اللى قريتها -لأول مرة -فى 2008؟

معاذ مع إنى تقريبا عارف هو قرى إيه وإيه اللى عجبه:)

إبراهيم

Zianour

سارة

مريم

سلمى

لميا

الوضع الجديد

Melancholy By Edvard Munch

هناك
تحت السما بشبرين
كل حاجاتى الجميلة
والبنت المستحيلة
مستنيّانى
هناك
تحت السما بشبرين

قبل أن تفاجئنا سكتة قلبية

..أيها المرء
أيها المنهمك لأذنيك
،فى التوتر
!!والسباق
،هلا هدأت قليلاً
هلا نسيت
-ولو مؤقتاً-
،مثيرات الأعصاب
!!وباعثات الإحباط

..جميل
!انظر-إذن- للذى بين يديك
انظر جيداً
!انظر..حتى التأمل
.ثمة أشياء تبعث على السعادة
.والفرح
ربما نسيت
-فى غمرة انهماكك-
!ان تفرح بها

ثمة أشياء اخرى
.تبدو زائدة
!!أو..بلا معنى
هذه أيضاً
،نبع سعادة لآخرين
.ومن ثم،فلك
..الكتاب الزائد
..القميص المنسى الذى تراه هلك
الساعة المعطلة
!!والكرسى المركون حتى اكتئب
ألا من سبيل
-لهذه الهدايا-
كى تفرح باصحابها،هناك
فى القرى البعيدة
!!والحارات المنسية



..أيها المرء
-لكم هو ممكن -حقيقة
لهذه الحياة
..أن تكون جميلة
.بنا..



على منصور

"من ديوان "عشر نجمات لمساء وحيد

أصداء السيرة الذاتية

الإبحار فى الذاكرة

اليوم هو تمام العام التاسع عشر لصديق عزيز فى هذه الدنيا -بدون أى توصيف
-لها

ترى ماذا يفعل اليوم؟ وماذا سيفعل الليلة؟
هل يتذكر مافات ويتجول فى شوارع الماضى ويقف على أسواره ليشاهد ذكرياته؟
أم أنه لايهتم بالنظر للوراء كى لايتعثر فى ماهو آتٍ؟


الآتى

.لأنه لايضمن شمس غد.ليلة اليوم.الثانية الآتية
.فهو دائماً يخشى الآتى.هو الذى عُرف بالتشاؤم
طبعا هو يريد الآتى أفضل مما فات ،ولكن هو يعرف أنه
.ليس بيده هذا

فهنيئاً يامعشر المتشائمين
.لقد جاءكم رسول يؤمكم،حريص عليكم،عليمٌ بأحوالكم


محطات


يأتى عيد ميلاده التاسع عشر وهو يدخل محطة جديدة ومهمة فى حياته-لأنها ستؤثر فى باقى المشوار- بعد أن
.إلتحق بكلية الصيدلة
يريد الآن أن يركز ف هذه المحطة.يعيش التجربة تماماً.يرتاح -مؤقتاً-من أزماته الوجودية التى تتناسل من
.لاشىء بطريقة غرائبية مدهشة


وميض


يحتاج -صاحبنا-إلى وميض.نعم،هذا هو بالضبط
.مايحتاجه الآن
.وميض يجعله يتشبث بالطريق.يخفف من وطأة الوحشة.ولا أخفى عليكم أنه يحتاج إلى حب جديد
يرى من خلاله الحياة بطريقة مغايرة وجديدة ومثيرة.هو
.فى إنتظار-و ماأصعب الإنتظار-هذا الوميض إلى حين


السراب

يتراءى له دوماً باهتاً أو واضحاً.يعتقد أنه سيروى عطشه أخيراً.ولكنه لايلبث أن يكتشف وهم إعتقاده.فدائماً ما
.يكون الماء سراباً فى صحراء تفكيره الممتدة بلانهاية


شىء من هذا القبيل


ضحكة أخيه الصغير البريئة الطبيعية الخالية من أى مكسبات للعاطفة.ديوان شعر يذهب به للحدود القصوى من النشوة.رواية تسيطر عليه وتجعله يتقلب فى أحداثها.موسيقى تشغله عن كل الموجودات حوله.مجموعة قصصية يتأكد بعدها أنه مازال هناك قصّاصّين مهرة قادرين على إثارة دهشته.كتاب يشبعه
.ويزيد معرفته ..وأسئلته

.شىء من هذه الأشياء يحتاجها-صاحبنا- من وقت لآخر


الغريب

بعد أن يعلن كفره بكل شىء.وإختيار حياته بنفسه بكل تفصيلة فيها من دون إجبار.بعد أن يعلن قبوله لشىء مرفوض من الوسط المحيط أو العكس.بعد أن يتخطى العتبة الحجرية. بعد أن ينزل إلى الأرض للبحث عن السيدة الأولى والدائمة:الحقيقة.بعد أن يصبح
.إحدى شخصيات بهاء طاهر

.يكون قد صار غريباً


الشحاذ

كثيراً مايجد نفسه فى هذا الوضع ،فهذا هو قدر
.المتسائلين



ساعة مغرب

أعتقد أنه يكنّ إحتراماً بليغاً لهذه الساعة من اليوم.حين يرى الشمس وقد تغيّر لونها وتغير لون السماء أيضا.سيكنّ إحتراماً للشمس كذلك ،لأنها تستطيع فعل ما
.لايستطيع القمر فعله

سيذكره الغروب بالنهاية الحتميةالتى هى الحقيقةالأولى المؤكدة فى هذه الدنيا.أنا أعرف أنه
!يكره الموت.ولكن من لايندهش حين يرى منظر الغروب؟
سيودّع الشمس.سيحاول ان يقول كل مايريده للشمس،فهو لايدرى هل يراها ثانية أم لا؟



ألعاب البحر

كثيرة هى ألعاب البحر .لن يتوّقعها،ولن يحاول أن يغيّر
.منها شيئاً
هو الى قال"مباركة الصدفة" لن يتوقف البحر عن إدهاشه بألعابه المثيرة.سيتقلب من موجة إلى آخرى.من شاطىء إلى آخر.يرى وجوه جديدة.حياوات جديدة.تجارب جديدة.لن يطلب يوماً أن يتوقف البحر عن
.ألعابه.رغم أنها كثيراً ماتكون.. مؤلمة


دنيا الله

لايعرف-ولن يعرف- لماذا هو فى هذه الدنيا.ولطالما أرّقه السؤال.يعرف أنه لايوجد من يجيب سؤاله غيره.سيعيش ويموت دون أن يعرف.لكن عزاؤه الوحيد
!أنها دنيا الله وليست دنيا أحداً آخر.الشيطان مثلاً



الذى فوق


فى البدايات -وككل البدايات-خوّفوه منه.فهو الذى يعذب
الناس فى النار أبداًوكذلك هو الذى يُغيّب من الأحبة
.ماشاء
راح يبحث عن إلهه الذى يحبه.الذى يعرف انه لم يأت به لهذه الدنيا لشرٍ.هذا الإله الرائع.الجميل.الذى خلق الورود الجميلة لايمكن أن يكون قاسياً على عياله.
فى رحلته سيظل "الذى فوق" شاغله الأكبر.ولن تتوقف
.الأسئلة عن هذا البعيد جداً



جنينة الأسماك

لايريد الحياة هكذا.إغتراب.لايريد الحواجز الزجاجية.لايريد حدوداً.سدوداً.نحن لُحمة واحدة .لم التفرّق والبعد؟


أصوات الليل

.لأشياءٍ تهيّج الذكرى لم يزل يحنّ
حين يأتى الليل -الذى أعلن أنه "ليك أنت لوحدك"وأن النهار للحب حين أعلن حتمية الحب بالنهار-الليل- مُجتمَع الهموم والذكريات- بجوّه السحرى الباعث على التأمل والتذكرّ. لابد أن هناك أشياء تأتيه. وتعيده لأيام
.مضت.يالهذه اللعبة الأبدية



شحاذون ونبلاء

للشحاذون مساحة من حياته.وهو لايعطى الكل .بل من
.يحس ّ أنهم فى حاجة بالفعل
وكى تعرف أنى من الصنف الثانى إنتظر هدية عيد
.ميلادك



بحر ميّت

يعرف أن البحر الذى تأتى منه كل البهجات هو نفسه الذى
.تأتى منه كل الأحزان والموسيقى.والموت أيضا
البحر الذى يشهد تأوهات الحب- التى هى أروع موسيقى كونيّة-.يكون أيضا مصدر آهات الفقد الطويلة
-البحر .هذا العجيب .المُدهش.يحبه-صاحبنا
.كثيراً.ويخافه أيضاُ


نهر تحت الصخر

من البديهى أن النفيس من الأشياء لايأتى بسهولة.ولذلك فصاحبنا يتعب كثيرا فى إصطياد القصائد والكلمات.ينبش.يحفر فى صخر اللغة.من أجل الكنز المخبوء الذى ينتظره.يسمع خرير المياه.يزداد إصراره.يحفر .ويحفر.إلى ان يجد النهر يغترف منه
.ماشاء

هو يقول أن الشعر كالمومس لاتريح الشاعر أبدا وكثيراً ماتُجهز عليه قبل أن يصل هو للذروة ويقتنص القصيدة.وأنا معه فى ذلك
.والشعر أيضا هو هذا النهر تحت الصخر


على فين


السؤال الآن
على فين رايح ياصاحبى بعد 19 سنة ف الدنيا دى؟


صيد الفراشات


.بعيدة هى بقدر قربها.يتعلق قلبه بها. وتبدأ اللعبة


من أين جاء الخاطر المرّ


أنه منذ ما يعي


ينتهي حيث بدأ


وأنه لن يعثر عليها أبدا؟



كراكيب الكلام


لست بكاتب .فلا أمتلك ناصية اللغة.وكثيراً ما اتعثر
.فى التعبير عما أريده


البهجة فى تلك الأشياء

................

الحرافيش


هو الآن يقرأ ويقول ضاحكاً
"ياابن اللعيبة ياصبحى"

"!بقى هى دى المفاجأة ياواد؟"

..................

كل سنة وإنت طيب ياواد



Wassily Kandinsky اللوحة للفنان


هامش: العناوين هى أسماء"روايات ومجموعات قصصية وشعرية وأفلام وألبومات موسيقية"يعشقها صاحبنا

لاشىء يدّل

أوٌل الرٌبيع

أورقت شجرة التوت في الحديقة
وارتفعت عاليا‮ ‬إلي الشرفة
حملته الخضرة الدانية علي الذكري
كان ضحي
كان الربيع في أوٌله
عندما حملها بين يديه
وزرعها هناك
مرٌ‮ ‬وقت‮ ‬طويل‮ ‬إذن
يمكنه بعد أسابيع
أن يمدٌ‮ ‬يده إليها ويأكل


النٌساء

كنٌ‮ ‬يأتين في الضحي
بصحبة أطفالهن المعلولين
يعبرن القنطرة الخشبية
ويمشين بخطي متوسلة
إلي الِبركة في مواجهة الضريح
وعندما يؤذٌن لصلاة الجماعة
كن يلقين بالأطفال في الماء
ثم يخلعن عنهم الملابس الصغيرة الملونة
ويتركنها علي الشاطيء هناك
قبل أن يضعن النذور
ويتبرٌكن بالمقام
وكان يتعيٌن عليهن
أن يفعلن الشيء نفسه لأسابيع
وكنا نذهب إلي هناك لمشاهدة النساء
ونري الأطفال يتعافون
أسبوعا‮ ‬بعد أسبوع


لا شيء‮ ‬يدّل

لا شيء يدلٌ‮ ‬عليها الآن
ربما كانت هنا
ربما كنا نصعد إليها
علي درجي‮ ‬خشبيٌ
ينتهي بشرفة مكشوفة
تبدأ من عندها الحقول
وتمتدٌ‮ ‬إلي آخر ما نري
هل تعلٌمت شيئا
في مدرستي الأولي
ومتي تركتها لأتعلٌم
تحت سماوات من رصاص؟
لا أذكر
أذكر للآن المدي الأخضر
لا شيء يدّلٌ‮ ‬الآن


سرعان ما‮ ‬يأتي الصيف

تأتي الكرٌاكات
وتطهٌر مجري النهر
يبدو وقد حجفٌ‮ ‬شاطئاه
أعمق مما نظنٌ
ونحن نسبح علي مائه
لكنٌنا سرعان ما ننسي في الصيف

تأتي البلابل
وتبني بيوتا‮ ‬في طين الشطٌ
تضع بيضها في الداخل
وتملأ الفضاء بالشٌدو
بلابل خضراء في متناول اليد
لكنها سرعان ما تطير في الصيف

ترفع الفتاتان أذيال ثيابهما
وتخوضان في الماء
تضيء بشرتاهما تحت الشمس
وينعكس ماء القرار
رائقا‮ ‬مثل بلٌلور
لكنه سرعان ما يعتكر في الصيف



الفردوْس

يزرع الرجل قطعة أرض
علي الشاطيء الآخر
يزرع ما لانزرع هنا
يزرع الرجل فاكهة
وقصب سكر
ويعيش وحده في كوخ هناك
يشعل نارا‮ ‬من حطب أشجاره
ويضع إبريقه علي طرفها


حجّر وقشٌ

قشٌ‮ ‬ذهبيٌ
درج‮ ‬من حجري‮ ‬أبيض
ينحدر إلي الماء
الصفصاف يميل علي الماء
يتوضٌأ في الماء الجاري
الصبية يلهون علي الجسر
والفتيات يملن علي الماء


حياة أخري

لو حدث هكذا
يكون شيئا‮ ‬حسنا
تفتح الباب وتجدني
باب الشٌرفة مفتوح
الشمس في منتصف الصالة
وأنا مستلقي‮ ‬هناك
وساقاي بطولهما علي الطاولة
الكتاب في حجري
.وإلي جواري سجائري



من ديوان لاشىء يدّل
للشاعر محمد صالح
يصدر قريبا

الديوان كاملا

هوامش عيد الميلاد

دخول

أن تموت وأنك تعرف أنك عشت أكثر مما يعتقده الناس - حتى وإن كانت هذه الزيادة مجرد 9 أيام- شىء أراه جميلا

...............

رسميا عيد ميلادى النهاردة، لكن تاريخيا انا مولود فجر يوم
2-10-1990

واليوم ده كان يوم المولد النبوى ف السنة دى

ونتيجة لتأخر الوالد ف قيدى بمكتب الصحة القريب من قريتنا-غالبا كان فرحان بأول مولود وكده-تم قيدى يوم 10-10-1990


..............

وعلى ذلك المفروض إن عندى 18 سنة دلوقتى

ياااااااااه 18 سنة


أحيانا أراها حياة قصيرة جدا
وأحيانا أخرى أرى أنى قد إقتربت من نهاية المشوار

وأن تلك الحياة كانت حافلة بالكثير والكثير

.................


يقول لى صديق أنه كلما مرت عليه سنة فى هذه الدنيا يشعر بالحزن ويقول آخر أنه لا يكترث
وتقول لى صديقة أنها تشعر بالقرف وتقول لى أخرى أنها تتألم

وأنا أقول أنى أشعر بدبيب الموت

سيقول واحد من القرّاء المفترضين- أو الإفتراضيين- هاهو التشاؤم يزحف إلى أعماق نفسه ويأخذ طريقه بسلاسة ولكن ذلك غير صحيح

من قال أن التفكير فى الموت - حتى وإن زاد- يكون دليلا على التشاؤم؟

...............

كل السنين التى مرّت"
"مياه فى الأصابع

...............

سيأتينى أصدقائى بالهدايا
ويزينون حجرتى بأمنياتهم
وستقبّلنى حبيبتى
لا لأن هذه هى هدية عيد الميلاد
ولكن لأنها تعرف أنه من المحتمل
ألا نجد الوقت الكافى للتوّحد
والتشظّى


الموت ينتظر على الباب
الموت فى النسكافيه الصباحى
فى القهوة المسائية
الموت صديقنا الدائم


............


:يوما ما قال

ومالحياة إلا تدريب على الموت

...........

هكذا أنا دائما

يالك من أحمق

يقولها لى شخصٌ لا أعرفه
يأتينى كل مساء ليتلو علىّ أمنياته
ولكن من أين لى بالوقت الكافى

؟
..............

Happy birth day Mido

أبتسم،"ميرسى ياجميل"،أوّلد كلمات المجاملة من فمى
فالليلة عيد ميلادى

!يالسخرية القدر


..............


هاهى شمعة عيد الميلاد أمامى تلتهمها النار فى شبق
.مميت..مقيت
لتذكرنى بأن الحياة تتسرب دائماً

هلمّوا ياأصدقائى فى تلك الليالى الطويلة

ماذا تقول ياكافكا فى ذلك المشهد؟
!هل ستقول انها نهاية إنسان هذا العصر تحت وطأة المادة؟

وأنت يابودلير
ألن تكف عن تلك الإبتسامة الساخرة؟

وأنت ياجبران ماذا عنك؟
!هل ستقول لى إنه يعبر عن الفناء والعبور للبحر اللانهائى؟

ماذا عنك يافرويد؟
!هل هذا هو التوّق الدائم للعدم والرجوع لأصل الأشياء؟

وأنتِ ياإيميلى ديكنسون ماذا ستقولين؟
!هل ستقولين أن تلك الشمعة هى الموت متجسّداً؟

هلمّوا إلى ياأصدقاء تلك الليالى الغبراء التى لاتتسّع لإيليّا والشابّى

..............

خروج


لن أنسى تلك الهدية
أول مرة
هذا الإكتشاف المذهل، الرائع

لم أصدق أن الجنّة فى الحياة الأخرى جميلة
إلا عندما رأيتك
.وأحببتك



Marc Chagall اللوحة للفنان

وحدة

..وددت أن أقول "أوه..انظر ..انظر
"..هاهى اليراعات تمر
ولكننى

.وحيد


من شعر الهايكو

رمضان

السنة اللى فاتت كان معاذ كتب عن رمضان وليه هو بيحبه

..............

أنا بحب رمضان علشان حاجات كتيرة ماأعرفش معظمها

بس هو إحساس جميل بيبقى الواحد عايشه

..............


رمضان هو الشهر الوحيد ف السنة اللى بنتجمع فيه أنا وأسرتى على الأكل

..............

ليا ذكريات جميلة معاه وبرضه فيه حاجات زى الزفت
:)))
..............

أدان المغرب، الساعة اللى قبل الادان، التمشية وسط الخضرة
الطرشى "هبة المصريين" ده لوحده حكاية
:)
.............

وبما إنى نباتى
فأنا مابحبش أتعزم عند حد فى رمضان- على أساس إن كرم الضيافة عندنا ف الريف يعنى لحمة وكده-

............

وأخيرا

أنا بحب رمضان علشان الاحساس اللى باحسه وانا باسمع أغنية رمضان جانا للخالد محمد عبدالمطلب

.............


كل سنة وانتوا طيبين


Jean-Léon Gérômeاللوحة للفنان

ONCE: Falling Slowly

اليومين دول

؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!


Joan Miro اللوحة للفنان

أربع حاجات

:أربع حاجات مالهاش مواعيد


الموت الأكيد..الحلم البعيد..الحب الجديد..أجمل عيد



Marc Chagall اللوحة للفنان

!؟

مش كان سيدنا نوح خرم السفينة وريحّنا من بدرى؟؟

آية أختى-9سنين

!عارفة؟

عارفة ليه كل ماأنطق إسمك بانوّر قوى وألقى الضىّ يتولد حواليا؟

عارفة ليه بتخرجى لى من كل صفحة مكتوب فيها كل كلمة حب؟

وأما نقعد ف الصيف على شط إسكندرية وف نفس اللحظة نغنى "الدنيا ريشة ف هوا"؟

والسنين اللى بتجرح براءتنا بتتنسى ويتولد فجر الحب لما أشوفك؟

فاكرة لما القمر إكتملّ ونوّر قوى وقلتى إنه هينفجر.. لما بوستينى؟

إيديكى اللى بتخطفنى من دنيا "الحاجات الكتير اللى حواليا" وبتودينى لدنيا جميلة أول مرة أشوفها

صفحة قلبى اللى بتزوّقيها بأغانيكى

وعينيكى..شباكين مفتوحين ع الاحلام
بترسم لى بيوت ساكنها الدفا


!طب ليه ف عز الشتا لما إيدك تلمسنى أفتكر ريحة البحر؟

.................

بحبك



JOSEPH LORUSSO اللوحة للفنان

أحلام وألوان وأشياء أخرى

تاجين لازم أرد عليهم


Zianourالتاج الأول من العزيزة
اللى أنا إتأخرت كتييييييييير ف الرد عليه

لكن أنا هارد عليه لكذا سبب

أولا: لإنى مش عايز أزعّل حد

ثانياً: التاج إستفزنى

ثالثاً وهو الأهم: صدرت أوامر عٌليا بالرد على التاج ده
:)

التاج بيقول


1- اذكر 5 احلام على الاقل تخص ماضيك وتحلم فيها بتغير الاشياء .. ماذا ستعدل وماذا ستترك؟؟
..بما إنى شخص حالم إلى حد بعيد
فالأحلام دى زادى

أنا فاكر حلم بيراودنى من زمان ..إنى أسافر لسيوة وأقعد هناك لحد مااتشبّع روحيا ولو عجبتنى القعدة أكمّل هناك


كمان كنت باحلم إنى هاقابل عصفورة جميلة قوى ، وتبقى صاحبتى وتبقى معايا على طول
أنا فاكر الحلم ده كان مسيطر على تفكيرى وأنا بتاع أربع خمس سنين كده

حلم تانى: أنا كنت باحلم أبقى طيار وكنت باقول لنفسى إحتمال أقابل العصفورة الجميلة دى وأنا طاير


حلم كمان: كنت باحلم أمثل فيلم مع الجميلة فاتن حمامة

حلم كمان: كان نفسى يبقى ليا أخ توأم زى ولاد عمى لكن يلا بقى مافيش نصيب


طبعاً أحلامى البريئة خالص دى ماتمناش إنى أسيب حاجة منها



2- اذكر 5 احلام على الاقل تخص مستقبلك..

أول حلم وأهم حلم: إنى ألاقى الطفل اللى تاه منى وأنا صغير
نفسى بجد ألاقيه

حلم كمان: إنى مأعيشّ لغاية ماأكبر وابقى عجوز
أنا أصلا باقول لنفسى ولأصحابى القريبين إنى هاموت وأنا صغير

أنا حاسس بكده

حلم تانى: نفسى أقضى العشر سنين الجايين ف وسط البلد


حلم كمان: فيروز تغنى لى لوحدى .. وده بقى الجنان بعينه
أهى أحلام والسلام :)

الحلم الخامس: أن يكتمل بهاء لوحتى ، وتظل الشمس تزينها كى يتحقق بقاؤها وخلودها


3- اذكر شخصين على الاقل متواجدين في حياتك حاليا كنت تود وجودهم قبل الأن بزمن

أهم شخصين بجد كنت أتمنى أعرفهم قبل كده

مروى بنت خالى

والعزيزة زيانور


4- اذكر شخصين على الاقل غير متواجدين في حياتك حالياً كنت تود وجودهم الآن أو في حياة اولادك مستقبلاً..
بجد بجد ..مافيش غيرهم

العز بن عبد السلام
وابن رشد

نفسى الإتنين دول يبقوا موجودين ف الزمن"الأغبر" اللى إحنا فيه ده



التاج ده أنا بامرره لإتنين أنا عايز أشوف إجابتهم
لميا

جومانا





التاج التانى اللى بدأت فكرته عند مى

التاج جمييييييل وزى ماقالت لميا عليه التاج عبقرى

ويلا بينا نتزحلق فوق قوس قزح:)


أبيض: الطفل اللى تاه منى ونفسى ألاقيه

أيـامى الجاية المليانة حياوات ودنُى جديدة لسة بِكرْ


بمبى: الثلاثى البرىء المرح: "مروى وشروق وآية" وهما بيلعبوا مع بعض


أحمر: وردة بتنوّرعلشان محطوطة ف شعر حبيبتى
وأنا باسمع "أنا لحبيبى" لفيروز


أخضر: أكتر لون باقابله ف قريتنا
لون عينين حبيبتى وعينيا أنا كمان


بنى: المهابة والوقار


أصفر: حالة باعيشها وبتحلى لى


لبنى: بوسة من "تغريد" بنت بنت عمى
وضحكتها اللى ماليها الدفا


بايج: الحياد، ولون النسكافيه المفضل ليا


أزرق: ذلك اللامتناهى الحامل أسراره بداخله : البحر

،أسود: لونى المفضل

الحضن الكبير اللى بيساع الكل ..وساعات بيخفيهم جواه ويموّتهم

هو سيد الألوان





حاجة جانبية: مش قادر أتخيل الدنيا من غير ألوان
!!!!!!!!!!إزاى فيه حد نفسه يعيش بالأبيض والأسود بس




Pino اللوحتان للفنان

فلاش باك

إننى بعثت برجال البلاط والحكام إلى أمى حتحور..سيدة الفيروز .. سيدة سيناء

رمسيس الثالث - بردية هاريس

Pino اللوحة للفنان

مين قال إن القمر ف السما بس؟

حقيقة

إن عمر الإنسان الحقيقى يُقاس بالأحزان، فهى وحدها التى تمنحنا خبرات حقيقية
لا أقول ذلك لأننى أحب النكد،فالحزن لم يكن أبداً نقيضاً للسعادة ،ولا الفرح مرادفها
وأنتِ لاتحتاجين إلى فرح مستمر كى تزعمين أنكِ سعيدة ، ولكنك بالتأكيد تحتاجين إلى نصيب من الأحزان.


إيهاب عبدالحميد
من رواية عشاق خائبون

Schuyler اللوحة للفنان

مساحة حرة

وصلنى تاجين ف الفترة اللى فاتت

وبصراحة أنا ماليش ف حوارات التاجات دى
لكن علشان الناس اللى بعتوا لى التاجاجين دول مايزعلوش
فأنا مضطر أرد عليهم.. وأمرنا لله
وهنرد عليهم ف بوست واحد
برت بلاس 2*1
. .
. .

التاج الأول اللى إنتشر إنتشار المعيز ف البرسيم -معلش بقى سامحونى- وصلنى من المنوفياية الجميلة دعاء عمرو
والتاج التانى من العزيزة جومانا
-وبصراحة جومانا دبستنى ف التاج ده كضريبة للصداقة -معلش بقى



نبدأبالتاج الأول لإنه الأقدم

اتكلم عن نفسك في 10 نقط


أنا شخص خجول جداً، وصريح جداً وده بيعملى مشاكل كتير*

أكتر صفتين بأكرههم :الكدب والغباء*

بحب الموت لإنى شايف إن ده بداية الحياة الحقيقية ،وده مش معناه إنى مابعيشّ حياتى
بالعكس أنا حريص إن كل لحظة ف حياتى تبقى جديدة ومختلفة عن اللى قبلها*

بحاول على قد ماأقدر أحضن أحلامى ، أو على الأقل أقرب منها*

أنا شخص حسن النية وبيحاول يشوف الحتة المنوّرة ف كل حاجة وكل شخص*

أنا متفائل جداً ،لكن الواقع بجد يحبط*

أنا الحياة والكون والبدء والمنتهى .. وجهة نظرى إن الإنسان جواه الحياة كلها بكل تفاصيلها*

عارف إنى هتعب كتير ف الدنيا دى بسبب دماغى ..لكن هذا هو القدر ياصاحبى*

أنا شخص ربنا بيحبه جداً، وهو ولا هنا عارف إنى مقصّر معاه كتيييييييييييييير ..لكن برضه عارف إن النور مسيره يعرف طريقى*

أنا إنسان هادى .. ومجنون .. بجد*



والتاج متاح لأى حد عايز ياخده
وعن نفسى ماانصحش بكده





التاج التانى بتاع جومانا

أظن أن الدنيا تمثل لعبة شطرنج أدمية لكل شخص منا , فكل شخص يعيش في دولته الوهمية التي يكون هو رئيسها ويختار كل من يبقي حوله فلنقل انك أنت ملك الشطرنج من تختار من الناس من حولك لكي يكون رتبة من رتب الشطرنج من هو ( الوزير - الفيل الأول - الفيل الثاني -الحصان الأول -الحصان الثاني - الطابية الأولي -الطابية الثانية- العسكري الذي يمكن أن تضحي به لكي تكسب معركة - العسكري الذي تحافظ علي حياته لحين الترقية )ويلاحظ أن اختارك للشخص يجب أن تتوفر فيه كل سمة من سمات الرتبة التي تنسبها له .


!!طبعاً التاج مفترى زى ما جومانا قالت لكن هنعمل إيه أمرنا لله

الوزير: طبعاً حبيبتى لإنها هى الوحيدة اللى ليها مطلق الحرية تتحرك ف أى مكان هى عايزاه من رقعة الشطرنج/مملكتى/قلبى ..ده غير إنها بيتوافر فيها صفات الوزير من حكمة ودهاء .. طفولى.


الفيل الأول: صديقى السيد لإنه ماشى ف طريق حلمه بميل مش عمودى


الفيل التانى:صديقتى آية لإنها متحدد إتجاهها دايماً وهى مابتحاولش تحيد عنه

الحصان الأول: هو والدى اللى دايما بيمشى بخطوات محددة ومعروفة مسبقاً..وهذا لايمنع من المفاجآت

الحصان التانى:إبن عمى الصغير ده بقى العكس..هو عايز يعمل حاجات كتيرة لكن للأسف الدنيا بخيلة معاه


الطابية الأولى:هى والدتى لإنها حادة ف قرارتها وبتنفذها على طول ..يمين وشمال ..وهى طيبة جداً
على فكرة

الطابية التانية:حسام أخويا لإنه مابيعرفش يحوّد ف الحياة .. مش عارف باحس إنه واخدها عافية


العسكرى اللى أضحى بيه:هم أشخاص كتير، لكن ده ف حالة لو ماعرفتش أطلّع الجميل اللى جواهم

العسكرى اللى أحافظ عليه لحد مايترّقى:بنت خالى مروى لإنى شايف إنها هتبقى شخص جميل ومفيد ف
الحياة جداً ..مروى عندها 10 سنين على فكرة

والتاج ده أمرره لسارة سويدان علشان عارف إنها مابتحبش الشطرنج
لكن بتحب تتفرج ع اللعب

طبعاً بردودى دى أكون نشرت غسيلى كله قدامكم

وبعد كده ماحدش يحدفلى تاجات خالص


Edwin Herder اللوحتان للفنان

ستون عاماً من العار

اللوحات هى جداريات للفنان الفلسطينى
إسماعيل شموط

عزف منفرد

تقدم جمالات شيحة وفرقتها سهرة مع الموال والمغنى البلدى وأغانى البنات من موسيقى الغجر فى الدلتا .
التاسعة مساء في "مكان" يوم الثلاثاء القادم6مايو.


دى أغنيه على بلد المحبوب



أشوفكم هناك

الحمد لله إتخبطنا

لأسباب كتيرة مش عارف معظمها
النهاردهBroduction Technology شيلت مادة

يلا عقبال بقية المواد


بس بينى وبينكم الروتين ممل
هو أنا هافضل أنجح على طول
لازم نجرّب الحالات التانية
ويحصل حاجة جديدة ف الدنيا



MA7AMAD

Pino اللوحة للفنان

!!..هى كده

صدفة سعيدة

النهاردة صحيت متأخر كالعادة
ولكن كانت مستنيانى مفاجأة سعيدة وكويس إنها عرفت عنوانى
يادوبك بافتح تليفزيونا العزيز ليأتينى ذلك الصوت الآخاذ منه
أنا وقفت مكانى مااتحركتش م المفاجأة
وبعدين قعدت الأرض ممنيا نفسى بدقائق من النشوة والسعادة والسلطنة

إنه صوت هدى عمار وهى تشدو بمقدمة مسلسل هوانم جاردن سيتى
التى صاغها المبدع سيد حجاب والعبقرى المتألق دائما راجح داود

مش عارف بجد ليه أغنية المقدمة بتشدنى ليها وبتعيّشنى فى دنيتها
وبلاقينى عالى فوق مع المزيكا الساحرة
يمكن عشان بقالى كتير ماسمعتهاش
لكن لأ المزيكا جبارة


بلاقى نفسى رايح مع الكلام


ياروايح الزمن الجميل هفهفى
وخدينا للماضى وسحره الخفى
ورفرفى ياقلوبنا فوق اللى فات
وبصّى للى جاى وإنتى بترفرفى

ياروايح الزمن الجميل لا السنين
بتطفى ف قلوبنا حنان الحنين
ولااحنا عارفين إحنا مين ولا فين
ولفين هيحدفنا زمانّا الضنين

لحد ماييجى المقطع التالت الخرافة

ليه كل مرة ننطلق نتكفى
ليه كل مرة ننطلق نتكفى
ياروايح الزمن الجميل هفهفى
وخدينا للماضى وسحره الخفى

وبعد كده روحى ألاقيها سابحة مع المزيكا ف بحر من الخيال والنشوة

ياروايح الزمن الجميل لا السنين
بتطفى ف قلوبنا حنان الحنين
ولا احنا عارفين إحنا مبن ولا فين
ولفين هيحدفنا زمانّا الضنين

ليه كل مرة ننطلق نتكفى
ليه كل مرة ننطلق نتكفى

ياروايح الزمن الجميل هفهفى
وخدينا للماضى وسحره الخفى
ورفرفى ياقلوبنا فوق اللى فات
وبصّى للى جاى وإنتى بترفرفى

وهنا ينتهى الحلم الجميل

لتبدأ الأنشودة الجميلة
أعترف بإن المسلسل ليه ذكريات جميلة معايا من أول مرة سمعته فيها وأنا عندى 6 سنين
ف الوقت ده كان اللى شاددنى الأغنية وخصوصا المزيكا يعنى أنا أقدرأقول بضمير مستريح إن راجح داود عبقرى مزيكا وبيعرف يوصل لكل الناس

وبعد ماتنتهى الحلقة أكون على موعد مع بقية الحلم الجميل
لتأتى البداية الموسيقية ومعها صوت هدى عمار


إمبارح اللى عدى واليوم كمان
غمضة عين ف عمر الزمان

واحنا ضيوف عابرين
مش أصحاب مكان

وبكرة جاى وكلنا ف إنتظار

والدنيا دايرة دايرة
دايرة دايرة ف مدار
ومن نهار لليل
ومن لليل لنهار


ياروايح الزمن الجميل بكرة جاى
جاى ف عيونه ضحكة
ضحكة وف قلبه ناى
جاى للى بالأحلام قلوبهم غناى

تتشابك الأقدار
تتصارع الأفكار
تتشابك الأقدار
نتبادل الأدوار

والنار بتبقى جنة
والجنة نار

والدنيا دايرة دايرة
دايرة دايرة ف مدار
ومن نهار لليل
ومن لليل لنهار


ياروايح الزمن الجميل هفهفى
وخدينا للماضى وسحره الخفى
ورفرفى ياقلوبنا فوق اللى فات
وبصّى للى جاى وإنتى بترفرفى

ياروايح الزمن الجميل هفهفى
وخدينا للماضى وسحره الخفى

يااااااااااه ع الجمال
بجد إحساس عالى قوى
مافيش قدام الواحد غير إنه يفتكر اللحظات اللى فاتت بمزيج من الفرحة ..والدهشة ..والحزن

هاهى الحياة تعطينا لحظات من السعادة كى تخفف وطئة الأيام اللعينة


MA7AMAD

Karen Hollingsworth اللوحة للفنان

يد خفية

لم أطلب منها شىء
ولكنها دائما ماتمنحنى
الكثير
حتى صرت أخجل منها



Yingzhao Liu اللوحة للفنان

إضراب 6أبريل

ده يوم نقول فيه لأ
يومنا إحنا
ولاد البلد دى
عايزين نعمل حاجة تشرفنا
قدام نفسنا





وإن يكن مبتغاكم أن تنزلوا طاغية عن عرشه أعملوا أولاً على تحطيم ذلك العرش الذى أقمتموه له فى أنفسكم
إذ كيف لطاغية أن يحكم شعباً حراً وأبيّاً مالم يكن فى حرية ذلك الشعب شىء من الإستبداد،وف إبائه شىء من الذل؟
أويكن ماتبغون طرحه عنكم هماً من الهموم ،فاذكروا أن ذلك الهمّ لم يفرض عليكم ،بل أنتم الذين إخترتموه لذواتكم
أو يكن ماتسعون إل الخلاص منه خوفاً من المخاوف،فلا تنسوا أن مقر ذلك الخوف فى قلوبكم وليس فى يد الشبح الذى تخافونه



جبران خليل جبران
من كتاب النبى

إلى لقاء

"هل يموت الذي كان يحيا؟ "
نعم


أمل دنقل

حالة فرح

اليوم وعلى غير عادة القدر -بل كعادتةالدائمة بمفاجأتى-فاجأنى ولكن مفاجأته هذه المرة مفاجأة سعيدة
لم أكن أتوقع هذا الكرم الربانى الكبير-كتير بننسى-مع عبده اللى بيمر بظروف مش تمام-اليومين دول- midtermsوعمايلها وخصوصا لو ميد تيرمات هندسة العاشر المهم
إن النهاردة كان يوم جميل -على الأقل بالنسبة ليا- لإن المفاجأة اللى أنا عامل علشانها البوست ده حصلت بعد ما كنت فقدت الأمل إنها تحصل
النهاردة كانت السماء تداعبنى وتريد إسعادى- وأنا طبعا مستنى مفاجآتها-فأمطرت ولبت رغبتى المكبوتة منذ أيام

لاأستطيع أن أصف لكم شعورى فى تلك السويعات القليلة التى جادت بها السماء مطرا يغسل تلك الأرض وتلك الأرواح التائهة التى غطاها غبار من اليأس والأحباط

أنا أتحدى إن فيه إنسان بجد يشوف المطر وهو نازل من السما ومايفرحش ولايعيش فى ملكوت تانى زى حالاتى كده
المطر تلك النعمة الربانية -اللى ببلاش زى حاجات كتيرة تانية-اللى الناس بيصلوا علشان ينزل عمرك شوفت كده! بيدينى أنا على الأقل إحساس نشوة جامد جدااااا

مش قادر أجمع خيوط الكلام اللى أعبر بيه لكن عزائى الوحيد إن فيه كتير زيى كده

الحاجة اللى كانت هتخلى فرحتى لامتناهية بجد لو كانت حبيبتى معايا لكن أنا متأكد إنها عاشت لحظات سعادة هى كمان قليل لما بتتكرر أصل إحنا لاسعين زى بعض

شكرا للإلة الذى فرحنى وللسماء التى أطاعت



أنا فرحان

تفاؤل

من غير حلم الدنيا تفنى

من غير أمل الخوف تكتفنا

من غير خيال خيالنا يوقفنا

دخول

دى
أول تدوينة ليا وأول مرة دايما أحلى فى كل حاجة .